Usa sa mga dakong suliran nga giatubang sa mga residente sa Sitio Dapdap Brgy Mactan karon kay ang agianan nga dili na maagian tungod sa tubig baha. Mao kini ang nag-inusarang agianan sa daghang pamilya nga nagpuyo sa maong dapit. Suma pa sa usa sa mga residente, kung mobunok ang kusog nga uwan maka-absent na lang siya sa iyang trabaho kay dili naman siya makalabang. Isip amahan sa syudad, akong responsibilidad nga makabaton og maayong pamuyo ang matag Oponganon. Tungod niana, gi responde dayon sa maabtik nga Chairman sa atong Ahong Cares Bayanihan Project nga si Rufo Bering kauban ang konsehal sa Mactan nga si Zandro Sunny Augusto para mahatagan og kasulbaran ang maong problema. Tugoti kami sa pagtrabaho niini sa labing daling panahon.