TOP 4 FASTEST-GROWING CITY SA TIBUOK NASUD
Image Posted for Mayor's Trophies

TOP 4 FASTEST-GROWING CITY SA TIBUOK NASUD

Gisugat ang atong bag-ong tuig og bag-ong kadaugan kay nalakip ang atong syudad isip usa sa fastest-growing city sa tibuok nasud kung basehan ang GDP Annual Growth Rates ug anaa pa gyud ta sa TOP 4. Sa 13.2% GDP rate, nagpasabot kini nga klaro ug tataw nga malambuon kaayu ang atong ekonomiya ubos sa atong administrasyon. Bisan pa man sa hulga sa pandemya ug sa bagyong Odette kaniadto, paspas kaayu ang atong pagrecover ug milagsik gayud balik ang lain-lain natong industriya sama sa turismo ug manufacturing industry nga maoy atong pangunang puhonan sa syudad lakip na sab ang ubang bahin sa atong ekonomiya.
 
Tungod sab kini sa dakong pagsalig sa atong mga investors nga padayong mibubo og puhonan sa atong pinalanggang syudad hilabi na nga daghang umaabot nga mga dagkong proyekto nga mahitabo sama sa atong skyway, fourth bridge, mga diversion roads, reclamation project, socialized housing projects, drainage projects ug daghan pa. Labaw sa tanan ang padayong pagpalambo sa atong peace and order ug emergency response nga maoy makahatag og peace of mind sa mga investors nga molambo sab ang ilang tagsa-tagsa ka mga negosyo.
 
Congratulations kanatong tanan, mga Oponganon! Dili ni nako kadaugan kundi kadaugan kini sa kinatibuk-ang katawhang Oponganon!