Gipahigayon namu karong adlawa ang meeting para sa maayung dagan nga progreso sa atong Skyway project nga gitambungan sa MVP GROUP HEADED BY FORMER DPWH SECRETARY BEBS SINGSON, ENGR. Allan Alfon and PMI Headed by Engr. Francis Chua. Nahisgutan sa maong mahinungdanong meeting ang finalization sa maong proyekto aron masugdan na kini sa labing daling panahon.

 

Usbon ko, mao ni ang game-changer nga proyekto ubos sa akong administrasyon kay gawas nga walay magawas nga bisan sintemo ang syudad, maka-income pa kita gikan niini ug makasulbad pa gyud kini sa atong traffic problem. Makatabang sab kini nga mas mapadali ang atong pagbyahe paingon sa airport. Ato sab napanglantawan nga mas makadala pa kini og daghang mga investors sa atong syudad. Makahatag sab ni og dakong dungog kanato kay kita lang ang nag-inusarang syudad sa Visayas ug Mindanao nga makapahigayon sa susamang proyekto nga gawas sa Metro Manila.

 

Maong congratulations kanatong tanan, mga Oponganon!