Pagkahuman sa lima ka adlaw, na-rescue na gyud nato ang usa ka Haponesa nga anaa sa kilid sa dalan sa Mustang, Brgy Pusok. Lima ka adlaw nga kuyog ang iyang inahan nga mauwanan o mainitan kay dili siya gusto nga mohawa sa iyang nahimutangan. Lima sab ka adlaw nga wala silay tarung nga kaon ug pahuway pero karon ato na sila gibutang og usa ka luwas nga pinuy-anan.

 

Sa pila sab ka tawo nga misuway sa pagkombinsir kanila, malipayon kaayu ko nga na-rescue na gyud nato sila. Ato na sab na-storya ang Japanese Consul sa ilang kahimtang ug naghatag sab og pagtugot kanato nga ibutang sila sa komportable ug luwas nga lugar. Gani, nagpasalamat sila sa atong paningkamot ug atong pagpakabana sa mag-ina. Sa labing daling panahon, ila usab pangitaan og paagi nga mabalik sila sa ilang nasud.

 

Daghang salamat sa atong mga sakop sa City DRRMO Team headed by Nagiel Banacia sa pag-facilitate sa ilang pagbalhin. Among siguraduhon nga ma-atiman sila og sakto.